СООПШТЕНИЕ - 19.09.2018





До десет илјади евра неповратни средства за младите земјоделци преку Програмата за рурален развој

Сите млади земјоделци кои имаат до 40 години и се запишани во Единствениот регистар на земјоделски стопанства согласно Законот за рурален развој, од денеска до 19- ти октомври 2018- та година ќе може да аплицираат за добивање на средства за Млад земјоделец од Програмата за Рурален развој. Максималната прифатлива инвестициja, изнесува 600.000,00 денари, или 10 илјади евра а средствата може да се користат за започнување на земјоделска дејност, односно за инвестиции во опрема за преработка на земјоделските производи и производи од животинско потекло, како и за отворање на сопствен агро бизнис.



[повеќе]

ЈАВЕН ПОВИК бр.05/2018 за доставување на барања за користење на средства од Програмата за финансиска поддршка на руралниот развој за 2018 година - 19.09.2018






Врз основа на член 7, алинеја 9 од Законот за основање на Агенција за финансиска поддршка во земјоделството и руралниот развој („Службен весник“ на Република Македонија број 72/07, 5/09, 43/14, 193/15, 39/16 и 164/18), Агенцијата за финансиска поддршка во земјоделството и руалниот развој го објавува следниот ЈАВЕН ПОВИК бр.05/2018 за доставување на барања за користење на средства од Програмата за финансиска поддршка на руралниот развој за 2018 година.


македонска верзија | албанска верзија

[повеќе]

Прес конференција на директорот на Агенцијата за финансиска поддршка на земјоделството и руралниот развој - 15.09.2018





Директорот на Агенцијата за финансиска поддршка на земјоделството и руралниот развој, Николче Бабовски, денеска оддржа прес конференција со новинарите со цел да ја информира јавноста за тендерската постапка. Бабовски, рече дека ако сакаме поголема искористеност на Европските фондови и развој на агро – секторот, Агенцијата мора да се модернизира. Бабовски, истакна дека АФПЗРР, мора во нарениот период целосно да се поврза на „ИАКС системот“ кој го налага
Европската Комисија а беше и една од забелешките на Европската Унија со последниот извештај за напредокот на земјава. Бабовски, информираше дека постојните компјутери во целост не го овозможуваат поврзувањето со„ ИАКС системот“



[повеќе]

СООПШТЕНИЕ - 12.09.2018






Демант!
Почитувани,

По повод натписите во дел од порталите, но, и согласно медиумскиот интерес за Јавната набавка на Агенцијата за финансика поддршка на земјоделството и руралниот развој, Ве информираме дека Јавната набавка е направена согласно Годишниот план за јавни набавки на АФПЗРР, и по планот на Владата на РМ за модернизација на институциите.

Средствата наменети за оваа Јавна набавка изнесуваат 7 милиони денари, од нив 4 милиони денари се планирани и обезбедени од Програмата помош при транзиција за институционална надградба, средства од ИПА фондови. Три (3) милиони денари се обезбедени од Програмата за Финансиска поддршка во Руралниот развој. Доколку не ги искористевме овие средства истите ќе беа вратени во ЕУ.



[повеќе]

ИЗМЕНУВАЊЕ НА ЈАВЕН ПОВИК бр.04/2018 за доставување на барања за исплата на средства од Програма за финансиска поддршка во руралниот развој за 2018 година - 10.09.2018






Агенцијата за финансиска поддршка во земјоделството и руралниот развој ги известува сите заинтересирани субјекти за поднесување на барања за исплата на средства од Програмата за финансиска поддршка во руралниот развој за 2018 година, дека во Јавниот повик 04/2018 првиот пасус од делот III Висина на финансиска поддршка се менува и гласи...


[повеќе]

Со Европските фондови брзо ќе го развиете земјоделскиот сектор - 04.09.2018





Македонската делегација составена од директорот на Агенцијата за финансиска поддршка во земјоделството и руралниот развој, Николче Бабовски, посебниот советник за земјоделство на Премиерот, Ленче Николовска, како и советникот на министерот за земјоделство Томе Мојсовски остварија средба со министерот за земјоделство на Бугарија Румен Порожанов. Директорот на АФПЗРР, Николче Бабовски, побара од Порожанов, во наредниот период да се обнови меморандумот за соработка помеѓу Платежните Агенции на двете земји.


[повеќе]

СООПШТЕНИЕ - 01.09.2018






Нови средства за земјоделците кои го обновиле генетскиот потенцијал на стадата, подигнале нови овошни и лозови насади


Од денеска, па се до крајот на овој месец, сите земјоделски стопанства кои се регистрирани во Единствениот регистар на земјоделски стопанства, ќе може да аплицират за добивање на средства од Програмата за финансиска поддршка и руралниот развој, односно преку „Мерката 121, Инвестиции за модернизација на земјоделски стопанства“.

За овие средства ќе може да аплицираат сите земјоделци кои од 1-ви јануари до 30 –ти септември 2018 –та година ги зголемиле стадата, формирале ново стадо, подигнале нов овошен или лозов насад, или пак засадиле повеќегодишни ароматични растенија како ( фацелија, еводија и багрем) на нови површини. Исто така, со овие средства фармерите ќе може да повратат и половина од инвестицијата за набавени оригинални или мелезни високостелни педигрирани јуници (со исклучок на расата Буша), а се признаваат и трошоците за набавка на педигрирани машки и женски приплодни грла овци, кози, оригинални или мелезни на свињи (нерези или низимки), оригинали или хибриди од увоз или со потекло од признаени организации согласно Законот за сточарство.


[повеќе]

ЈАВЕН ПОВИК бр.04/2018 за доставување на барања за исплата на средства од Програмата за финансиска поддршка на руралниот развој за 2018 година - 01.09.2018






Врз основа на член 7, алинеја 9 од Законот за основање на Агенција за финансиска поддршка во земјоделството и руралниот развој („Службен весник“ на Република Македонија број 72/07, 5/09, 43/14, 193/15 и 39/16), Агенцијата за финансиска поддршка во земјоделството и руалниот развој го објавува следниот ЈАВЕН ПОВИК бр.04/2018 за доставување на барања за исплата на средства од Програмата за финансиска поддршка на руралниот развој за 2018 година .


македонска верзија | албанска верзија

[повеќе]

СООПШТЕНИЕ - 29.08.2018






Хрватското искуство за повлекување на средства од ЕУ фондовите драгоцено за Македонија


Директорот на Агенцијата за финансиска поддршка на земјоделството и руралниот развој Николче Бабовски, и посебната советничка за земјоделство на Премиерот на Владата на РМ, Ленче Николовска, ја посетија Хрватската Платежна Агенција. Македонските претставници ги прими директорката на хрватската Платежна Агенција, Матилда Цопиќ. Таа на нејзините колеги им ги презентираа придобивките на Хрватска од членството во Европската унија. Директорот на АФПЗРР, Бабовски, се заблагодари за поддршката што неговата колешка Цопиќ и Агенцијата со која таа раководи ја даваат на Агенцијата за финансиска поддршка на земјоделството и руралниот развој. Бабовски и Цопиќ, истакнаа дека соработката помеѓу двете Агенции продолжува, но и се зајакнува посебно по потпишувањето на меморандумот за соработка, се со цел во наредниот период земјава да искористи што повеќе европски средства.


„Искуството на Хрватската Платежна Агенција во повлекувањето на средствата од ЕУ фондовите ни се од особено значење со оглед на нашиот евроинтеграциски пат. Размената на искуства, соработката на двете агенции ќе продоолжи и понатаму, а се во интерес на земјоделците и агробизнисмените. – исткана директорот на АФПЗРР Николче Бабовски.



[повеќе]

СООПШТЕНИЕ - 21.08.2018






Во тек е процедурата за исплата на средствата за договорите склучени по ИПАРД 2 програмата


Од денеска почна процедурата за исплата на пари за договорите кои се потпишани по последниот повик од ИПАРД 2 Програмата. До денеска, до Агенцијата за финансиска поддршка на земјоделството и руралниот развој, се пристигнати 107 барања за исплата, од вкупно 684 договори кои беа склучени минатиот период, а се однесуваат за побарување на средства по Мерките 1 и 3 од ИПАРД 2 Програмата од последниот повик. Министерот за земјоделство, шумарство и водостопанство, Љупчо Николовски заедно со директорот на Агенцијата за финансиска поддршка на земјоделството и руралниот развој, Николче Бабовски, денеска го посетија земјоделско стопанство „Еуро Лозар“ во селото Лакавица, Штип од каде ја испратија пораката за бенефитот што домашниот агро – сектор го добива со средствата кои се нудат преку ИПАРД Програмата. Директорот Бабовски истакна дека:


„ Денешниот капацитет кој го посетивме има направено инвестиција за набавка на автоматска берачка за вишни, вредна 50 илјади евра, од нив половина од средствата, или 25 илјади евра ќе бидат вратени кај инвеститоторот. Со оваа нова машина, сопственикот на овој капацитет, освен што ќе заштеди на време во берба на овошјето, ќе се забрзат испораките или преработката на овошјата, со што полека, но, сигурно ќе се прилагоди на барањата на ЕУ стандардите. Секако, со оваа инвестиција од ИПАРД 2 програмата ќе останат и повеќе пари не само кај овој апликант, туку и кај сите производители и кај бизнис заедницата, кои имаат добиено средства од ИПАРД Програмите. “ – истакна директорот на АФПЗРР Николче Бабовски.


[повеќе]

Вести и Архива

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Menu