СООПШТЕНИЕ - 11.11.2020 во 15:26




Почна аплицирањето за субвенции за предадена зелка, градинарски и овошни култури во производни капацитети

Сите земјоделци кои оваа година произвеле и предале градинарски и овошни култури, во преработувачки капацитети од денеска до 25 –ти декември ќе може да поднесуваат барања за добивање на субвенции за овие култури.

Директорот на Агенцијата за финансиска поддршка во земјоделството и руралниот развој, Николче Бабовски, појаснува дека до 25-ти декември сите земјоделци кои оваа година произвеле зелка и во период од 5-ти април до 5- ти мај, произведените количини ги предале на преработувачки капацитет, ќе може да аплицираат за добивање на финансиска поддршка од 3 денари по килограм.

Бабовски, потсетува дека аплицирањето се врши електронски со најавување на веб страната на Агенцијата www.ipardpa.gov.mk во полето „Директни плаќања-е барање“ се поднесува електронското барање и за подмерките 1.6, 1.8 и 1.19. Крајниот рок за поднесување на барањата за овие мерки е 25 декември 2020 година.

Сите кои имаат проблем, или не знаат сами ,електронски да поднесат барања, може да се обратат во Подрачните единици МЗШВ. Но, сите кои ќе побараат помош од вработените во Подрачните единици треба да ги почитуваат протоколите за заштита од „Ковид19“.



 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Menu