На располагање 9,2 милиони евра од ИПАРД 2, мерка 1„ Инвестиции во материјални средства на земјоделски стопанства“

Агенцијата за финансиска поддршка во земјоделството и руралниот развој го објавува следниот

ЈАВЕН ПОВИК бр.01/2020 за доставување на барања за користење на средства по мерка 1 Инвестиции во материјални средства на земјоделски стопанства“ од бр.01/2020 од ИПАРД Програмата 2014-2020

Со поддршка од Програмата за рурален развој Волково ќе добие современ кружен тек и нов пат до Кучково


Денеска министерот за земјоделство, шумарство и водостопанство, Трајан Димковски, заедно со градоначалникот на општина Ѓорче Петров, Александар Наумоски, директорот на Агенцијата за финансиска поддршка во земјоделството и руралниот развој, Николче Бабовски и Ваљон Салиху од Кабинетот на градоначалникот на Град Скопје, беа на увид во градежните работи на кружниот тек во село Волково. Овој проект се реализира со финансиска поддршка од Програмата за рурален развој.
Вкупната инвестиција за изградба на кружниот тек во Волково е 6 милиони денари, од кои 3,5 милиони денари се финансиска поддршка од Платежната агенција, преку Програмата за рурален развој, а останатите се од буџетот на општината.

Исплатени субвенциите за сите земјоделци кои имаат обработлива површина до 1 хектар

Агенцијата за финансиска поддршка во земјоделството и руралниот развој, на сметките на 1.447 лица исплати 11,3 милиони денари за сите фармери кои имаат мали земјоделски стопанства. Директорот на АФПЗРР, Николче Бабовски, преку соопштение појаснува дека станува збор за исплата по мерката „Директни плаќања за обработлива земјоделска површина со големина од 0,2 до 1 хектар.

Продолжува навремената и неселективна исплата на субвенции, денеска ќе се исплатат субвенции на 3213 одгледувачи на овци

Денеска министерот за земјоделство, шумарство и водостопанство, Трајан Димковски заедно со директорот на Агенцијата за финансиска поддршка во земјоделството и руралниот развој, Николче Бабовски, беа во посета на селото Дихово од кадешто ги известија сите одгледувачи на овци дека денеска ќе се изврши исплата на субвенции за обележани грла. На сметките на 3213 сточари одгледувачи на овци, ќе бидат исплатени 607.032.300,00 денари, а пред точно една недела беа исплатени субвенциите наменети за одгледувачите на говеда.

Преку Програмата за рурален развој, по цели 40 години, реконструиран патот од село Кажани до село Маловишта

Денеска министерот за земјоделство, шумарство и водостопанство Трајан Димковски, заедно со директорот на Агенцијата за финансиска поддршка во земјоделството и руралниот развој, Николче Бабовски, беа на увид во активностите на проектот кој се реализира од Програмата за рурален развој, проект за реконструкција на патот од село Кажани до село Моловишта- Битола.

На располагање нови средства за модернизација и развој на рибарството и аквакултурата во земјава

Сите што сакаат да градат нови или да ги ревитализираат старите рибници и пунктови или сакаат да градат капацитети за преработка на риби од денеска па се до 22- ри март ќе може да аплицираат за добивање средства преку Програмата за рибарство и аквакултура.