Подготвителен период за подготовка на документација за користтење на средства од ИПАРД 2 Мерка 3 „Инвестиции во материјални средства за преработка на земјоделски и рибни производи"

Агенцијата за финансиска поддршка во земјоделството и руралниот развој, ги известуваат сите заинтересирани дека, од денеска е објавена Најавата за нов повик за ИПАРД, поточно за Мерка 3„Инвестиции во материјални средства за преработка на земјоделски и рибни производи". Јавниот повик за доставување на барања за користење на финансиски средства од петтата компонента на Инструментот за претпристапна помош за рурален развој на Европската Унија (ИПАРД Програма за периодот 2014-2020 година ќе биде објавен во втората половина на декември годинава. Директорот на Агенцијата за финансиска поддршка на земјоделството и руралниот развој, Николче Бабовски, информира дека од денеска, па во наредниот период, за сите заинтересирани кои сaкаат да користaт средства од ИПАРД програмата,поточно преку Мерката 3, Инвестиции во материјални средства за преработка на земјоделски и рибни производи“ им се дава подготвителен период од најмалку 30 дена за прибирање на потребната документација за изработка на апликации за поднесување на барања за користење на финансиска поддршка од ИПАРД 2 Програмата.

ПРЕТХОДНА НАЈАВА

за објавување на Јавен повик број 02/2019 за доставување на барања за користење на средства по мерка 3 “ Инвестиции во основни средства за преработка и маркетинг на земјоделски и рибни производи” од областа на политиките за земјоделство и рурален развој на Инструментот за претпристапна помош за рурален развој на Европската Унија (ИПАРД Програмата 2014-2020).

Бабовски : Исплатени близу 98,3 милиони денари субвенции за сите регистрирани земјоделци

Агенцијата за финансиска поддршка во земјоделството и руралниот развој, на сметките на 4.207 субјекти исплати околу 98,3 милиони денари за мерката „Дополнителна помош од 20% на носител на земјоделски стопанства кој е регистриран вршител на земјоделска дејност согласно со Законот за вршење на земјоделска дејност или е регистриран како индивидуален земјоделец согласно со Законот за пензиското и инвалидското осигурување.“

Србија ќе ги користи македонските искуства за искористување на средствата од ИПАРД програмата

Директорот на Агенцијата за финансиска поддршка во земјоделството и руралниот развој, Николче Бабовски, и неговиот заменик Авдул Селам Селами, денеска оддржаа работен состанок со директорката на Управата за аграрни плаќања на Србија, Билјана Петровиќ.

Бабовски: Продолжен рокот за аплицирање за субвенции за произведено и предадено млеко и за заклани несилки, од денеска се поднесуваат и барања за предадено јагне во регистриран кланичен капацитет

Агенцијата за финансиска поддршка во земјоделството и руралниот развој, ги информира сите млекопроизводители, дека по барање на фармерите го продолжи рокот за поднесување на барања за директни плаќања за произведено и предадено млеко, за период мај - септември 2019 година. Дополнителен рок за поднесување на барања за директни плаќања, имаат и одгледувачите на амортизирани несилки заклани во регистрирани кланични капацитети во период мај-септември 2019 година.

Директорот на АФПЗРР, Николче Бабовски учествува на 46- тата конференција на директорите на Платежните Агенции во Европската Унија

Вчера и денес, во Хелсинки, Република Финска, се оддржува 46- тата по ред „Конференција на директорите на Платежните Агенции во Европската Унија“. Македонската делегација ја предводи директорот на Агенцијата за финансиска поддршка на земјоделството и руралниот развој, Николче Бабовски, кој активно учествуваше и оствари повеќе неформални, билатерални средби кои се од клучно значење за Македонија на патот кон Европската унија.

Бабовски : Исплатени 30 отсто повисоки субвенции за фармерите кои го зголемиле сточниот фонд во споредба со претходната година

Агенцијата за финансиска поддршка во земјоделството и руралниот развој, на сметките на 7.101 субјекти исплати 27.069 000 денари. Станува збор за исплата на 30 отсто повисока субвенција од основната за секој фармер кој во споредба со претходната година го зголемиле основното стадо со говеда, овци, кози, маторици, несилки, и пчелини семејства.