Врз основа на член 7, алинеја 9 од Законот за основање на Агенција за финансиска поддршка во земјоделството и руралниот развој („Службен весник“ на Република Македонија број 72/07, 5/09, 43/14, 193/15 и 39/16), Агенцијата за финансиска поддршка во земјоделството и руалниот развој го објавува следниот ЈАВЕН ПОВИК бр. 03/2018 за доставување на барања за користење на средства од Програмата за финансиска поддршка на руралниот развој за 2018 година .

Од денеска до 21- ви август земјоделците ќе може да аплицираат за добивање на финансиска поддршка од Програмата за рурален развој преку Мерката 121.4 „Набавка на систем за наводнување капка по капка, конструкција на бунари, и други зафати на површинска вода.“ Со оваа Мерка, на располагање се 20 милиони денари, а со овие средства земјоделските стопанства ќе може да набават систем за наводнување капка по капка, да направат конструкција на бунари и други зафати на површинска вода.

Од денеска, па се до крајот на август, сите Единици на локалната самоуправа, Центрите за развој на планските региони кои се регистрирани согласно Законот за рамномерен регионален развој, ќе може да аплицираат за добивање на средства од Програмата за Рурален развој . Освен ЕЛС, и Центрите за развој на планските региони, за третата мерка односно 323 за Зачувување и унапредување на традиционални вредности во Рурални подрачја може да се пријават и Агенција за промоција и поддршка на туризмот како и Јавното претпријатие „Македонски шуми“. Мерките ги образложија министерот за земјоделство, Љупчо Николовски и директорот на АФПЗРРЗ, Николче Бабовски. Со помош на овие средства од Програмата за Рурален Развој, ќе овозможиме реализација на капитални инвестиции во општините. Инструментите и политиките за Руралниот развој, ќе овозможат подобрување на квалитетот и условите за живот во помалку развиените подрачја во земјава, а ќе може да ги зачуваме природните, културните и развојните вредности на руралните подрачја.

Врз основа на член 7, алинеја 9 од Законот за основање на Агенција за финансиска поддршка во земјоделството и руралниот развој („Службен весник“ на Република Македонија број 72/07, 5/09, 43/14, 193/15 и 39/16), Агенцијата за финансиска поддршка во земјоделството и руалниот развој го објавува следниот ЈАВЕН ПОВИК бр. 02/2018 за доставување на барања за користење на средства од Програмата за финансиска поддршка на руралниот развој за 2018 година .

Вработените во Агенцијата за финансиска поддршка во земјоделството и руралниот развој, денеска добија Плакета од општина Кисела Вода за успешната соработка како и за поддршката што Агенцијата преку проекти и ја дава на општината Кисела Вода и и помага во нејзиниот развој. Плакетата за благодарност ја врачи градоначалникот на општина Кисела Вода, Филип Темелковски, а во име на Агенцијата за финансиска поддршка и развој на земјоделството, ја прими директорот на оваа институција Николче Бабовски.

Исплатени се 89 милиони денари за обештетување на земјоделците од временски непогоди


Денеска исплатени се 89 милиони денари за ланските штети од временските непогоди, од нив над 25 милиони денари се легнати на сметките на лозарите од Неготино и Кавадарци. Оваа вест денеска на трибина во Кавадарци, на земјоделците им ја соопштија министерот за земјоделство Љупчо Николовски и директорот на Агенцијата за финансиска поддршка на земјоделството Николче Бабовски, заедно со градоначалникот на Кавадарци Тони Делков, како и директорот на Државниот инспекторат за земјоделство Благој Индов. Министерот Николовски, рече дека трибината со лозарите од Тиквешкиот регион се одржува на еден месец пред бербата на годинешното грозје, се со цел навреме да се планира откупот на годинешниот род. Ваков тип на средба министерот Николовски одржа и со винарските визби.

Потпишани првите 13 договори за набавка на трактори од ИПАРД 2 Програмата

Денеска се потпишаа првите 13 договори од вкупно 692 потенцијални корисници на средства од ИПАРД 2 програмата. Вкупната поддршка за набавка на трактори од ИПАРД 2 Програмата е околу 5,8 милиони евра. Од нив, над 1,4 милиони евра се од Националното финансирање, додека близу 4,3 милиони евра се од Европските средства. Со оваа сума ќе бидат опфатени сите земјоделци кои што имаат комплетни апликации.