Наместо до крај на мај, барања за субвенции за земјоделството ќе се поднесуваат до 30- ти јуни

Агенцијата за финансиска поддршка во земјоделството и руралниот развој, ги известува сите корисници на субвенции дека рокот за поднесување на барања за добивање на финансиската поддршка се продолжува за еден месец. Наместо до 31- ви мај, барањата ќе може да ги поднесуваат до крајот на јуни, односно до 30- ти јуни 2019 година.

Ова продолжување на рокот е по барање на земјоделците, со цел да можат сите земјоделци да го искористат правото за поднесување на барања за финансиска поддршка за мерките од годинешната Програма за директни плаќања.

До овој рок, земјоделците ќе можат да ги поднесуваат барања по Програмата за финансиска поддршка во земјоделството за 2019- та година, односно за директни плаќања за растително производство и тоа за површини со поледелски и градинарски култури, лозови и овошни насади како и за сточарско производство и тоа за одгледување на говеда, овци, кози, пчели, свињи, и за заклани животни во кланица.

Бабовски: Продуктивен состанок и конкретни насоки од Директоратот за земјоделство при Европската комисија

Директорот на Агенцијата за финансиска поддршка во земјоделството и руралниот развој, Николче Бабовски, заедно со неговиот заменик Авдул Селам Селами, како и претставници на институцијата оддржаа работен состанок со претставници на „ DG Agri,“( Директорат за земјоделство при ЕУ) Лијам Бреслин и Зиго Рутковски.

Го исполнуваме ветеното, ја воведовме мерката за субвенционирана нафта за земјоделската механизација

Во тек е јавниот оглас за набавка на гориво за земјоделска механизација што воедно претставува и последниот чекор од процедурата за воведување на оваа нова мерка. Мерката која за прв пат ја воведува оваа Влада има единствена цел да им го олесни производството на земјоделците и да им ги намали трошоците за механизацијата.

Зајакнување на дијалогот и соработка меѓу Платежните агенции во ЕУ со цел подобри резултати од спроведување на Заедничката земјоделска политика

Директорот на Агенцијата за финансиска поддршка и руралниот развој, Николче Бабовски, неговиот заменик Авдул Селам Селами, како и претставници од АФПЗРР, учестуваа на„ 45- тата конференција на директори на Платежните Агенции во Европската унија“ , која се оддржа во Букурешт, Романија.

Врз основа на член 22, став 8 од Законот за вработените во јавниот сектор („Службен весник на Република Македонија“ број 27/2014, 199/2014, 27/2016, 35/2018 и 198/2018), а во согласност со член 22, став 1, точка 1 и член 23 од Законот за работните односи („Службен весник на Република Македонија“ број 62/2005, 106/2008...120/2018), Агенцијата за финансиска поддршка во земјоделството и руралниот развој објавува ЈАВЕН ОГЛAС за вработување на 28 извршители на определено време .

Објавен тендерот за субвенционирана „зелена нафта“ за земјоделците

Агенцијата за финансиска поддршка во земјоделството и руралниот развој денеска на електронскиот систем за јавни набваки, Бирото за јавни набавки го објави тендерот за набавка на гориво за земјоделска механизација.
Оваа јавна набавка е согласно планот за јавни набваки на Платежната агенција и по Програмата за финансиска поддршка во земјоделството. Претходно, согласно процедурите, беше објавен техничкиот дијалог на којшто сите заинтересирани компании имаа можност да ја разгледаат тендерската документација и да дадат забелешки доколку имаат. Право на учество имаат сите странски и домашни правни или физички лица или група такви лица – понудувач кои се регистрирании за вршење на дејноста поврзана со предметот на договорот. За носител на набавката ќе биде избран оној економски оператор чија понуда претходно е оценета како прифатлива. Рангирање на понудувачите ќе се врши според висината на понудените цени.

АФПЗРР: Почна аплицирањето за субвенции за прва фаза произведено и предадено млеко на преработувачки капацитети

Агенцијата за финансиска поддршка во земјоделството и руралниот развој, ги известува сите млекопроизводители дека започна поднесувањето на барањата за субвенции за предадено овчо, козјо, и кравјо млеко, прва фаза, односно, за произведено и предадено млеко во месеците октомври, ноември, декември 2018- та година. За прв пат барањата за искористување на финансиската поддршка млекопроизводителите може да ги поднесат електронски или оние фармери кои имаат потреба од помош за креирање на барањата може да се обратат во подрачните единици на Министерството за земјоделство, шумарство и водостопанство или во Агенцијата за поттикнување и развој на земјоделството најдоцна до 16- ти мај 2019 година. Висината на поддршката за произведено и предадено млеко овчо и козјо млеко изнесува 4,5 денари по литар, додека за кравјото млеко поддршката е 3,5 денари по литар произведено и предадено млеко на преработувачки капацитети.