Врз основа на член 7, алинеја 9 од Законот за основање на Агенција за финансиска поддршка во земјоделството и руралниот развој („Службен весник“ на Република Македонија број 72/07, 5/09, 43/14, 193/15, 39/16 и 164/18), Агенцијата за финансиска поддршка во земјоделството и руалниот развој го објавува следниот ЈАВЕН ПОВИК бр.08/2018 за доставување на барања за користење на средства од Програмата за финансиска поддршка на руралниот развој за 2018 година.

Почна аплицирањето за добивање на финанскиска поддршка за произведено и предадено грозје


Агенцијата за финансиска поддршка во земјоделството и руралниот развој, ги известува производителите на грозје, дека започна поднесувањето на барања за финансиска поддршка за произведено и продадено грозје од сортите вранец и смедеревка во регистриран капацитет за производство на вино во Република Македонија.

Финансиска поддршка од еден денар ќе добијат сите земјоделци кои произведеното грозје од сортите вранец и смедервка, го предале на регистриран капацитет на вино во Република Македонија.

Со мерките од Програмата за рурален развој, обезбедуваме достоинствен живот за граѓаните од сите рурални средини


Претставници на Агенцијата за финансика поддршка во земјоделството и руралниот развој, предводени од директорот Николче Бабовски и заменик директорот Авдул Селам Селами, одржаа работен состанок со директорката на Управата за јавни приходи, Сања Лукаревска и нејзнините соработници. На состанокот се разговараше за подобрување на соработката на овие две финансиски институции, а беа разгледувани и повеќе прашања кои се од интерес на успешна имплементација на Програмата за Рурален развој, а воедно беа разгледувани и можностите за размена на информаци помеѓу овие две институции.

“Соврeмена опрема за сточарство и начини за финансирање на истата “ беше темата на едукативното предавање што денеска го организираше Здружението за едукација на земјоделци “Зелена берза” Битола. Како да се стигне до современа опрема за сточарство , како да се стигне до квалитетен семенски материјал за сточна храна, кои грантови постојат , како да се аплицира во новиот ИПАРД, а и кои се другите начини на финансирање, беа прашањата на кои преку презентациите на гостите се добија одговори. Пред стотина присутни сточари и гости во конференциската сала на Синпекс Битола, најпрво се обрати директорот на Агенцијата за финансиска поддршка на земјоделството и руралниот развој г-дин Никола Бабовски кој ги охрабри сточарите да останат и да се занимаваат со оваа дејност.

Министерот за земјоделство, шумарство и водостопанство, Љупчо Николовски, и директорот на Агенцијата за финансиска поддршка во земјоделството и руралниот развој, Николче Бабовски, беа во посета на млади земјоделци од с. Оризари, кои ги искористиле средствата од мерката „Млад земјоделец“. Николовски и Бабовски, на терен се уверија во успешноста на мерката „Млад земјоделец“ за која има голем интерес кај младите кои започнуваат сопствен агро бизнис. Директорот на Агенцијата за финансиска поддршка на земјоделството и руралниот развој, Николче Бабовски, истакна дека согласно критериумите, предност на повикот имаат младите кои повеќе од две години се невработени.

Filloi aplikimi për fitimin e subvencioneve për blerësit e kumbullave dhe grurit nga rekolta e këtij viti


Të gjithë blerësit e kumbullave dhe përpunuesit e grurit nga sot e deri më 25 dhjetor të vitit 2018 mund ti dorëzojnë aplikimet për përkrahje financiare për kumbulla të blera dhe të grurit të blerë nga prodhimi vendor nga rekolta e këtij viti.
Shfrytëzues të nënmasës "Pagesat direkte për kumbulla të blera nga prodhimi 2018 nga prodhim vendor" janë personat juridikë të regjistruar për përpunimin e produkteve bujqësore dhe personat juridikë të regjistruar për tregtinë e produkteve bujqësore të regjistruar në Regjistrin e blerësve që kanë bërë blerjen e kumbullave nga prodhimi i vitit 2018 nga prodhimi vendor në bazë të kontratava për blerje të lidhura me fermat bujqësore. Përkrahja financiare paguhet për sasitë e blera gjatë periudhës prej 15 gusht deri më 15 shtator 2018 dhe për të njëjtat pagesa të jetë e realizuar jo më vonë se 15 dhjetor 2018 me një çmim jo më të ulët se 5 denarë për kilogram. Shuma e përkrahjes është 2 denarë për kilogram.

Започна аплицирањето за добивање на субвенции за откупувачите на сливи и на пченица од овогодинешната реколта


Сите откупувачи на сливи и преработувачи на пченица од денеска се до 25- ти декември 2018 – та година ќе може да поднесуваат барања за финансиска поддршка за откупени сливи и пченица од домашно производство од овогодинешната реколта.

Корисници на подмерката „Директни плаќања за откупени сливи од род 2018 година од домашно производство“ се правни лица регистрирани за преработка на земјоделски производи и правни лица регистрирани за вршење на трговија со земјоделски производи запишани во Регистарот на откупувачи кои извршиле откуп на сливи од реколта 2018 година од домашно производство врз основа на договор за откуп склучен со земјоделски стопанства. Финансиската поддршка се исплаќа за количините кои се откупени во период од 15 август до 15 септември 2018 година и за истите исплатата да е извршена најдоцна до 15 декември 2018 година по цена не пониска од 5 денари по килограм. Висината на поддршката изнесува 2 денари по килограм.