Нов дополнителен рок од 15 дена за сите заинтересирани за искористување на средства од ИПАРД 2, Мерка 7


Агенцијата за финансиска поддршка во земјоделството и руралниот развој ги информира сите заинтересирани за добивање на финансиска поддршка од ИПАРД 2, мерка 7 „Диверзификација на фарми и развој на мали бизниси“, дека се дава дополнителен рок од 15 дена за доставување на апликациите за добивање на финансиска поддршка преку оваа мерка од ИПАРД 2 програмата.

Исплатени 182,3 милиони денари за субвенции за задржано женско јаре и за сертифициран семенски материјал


Агенцијата за финансиска поддршка во земјоделството и руралниот развој на сметките на 7.267 субјекти исплати близу 182,3 милиони денари за субвенции. Станува збор за исплати на сточарите кои имаат задржано женско јаре и во тек на минатата година аплицирале и исполниле условите за добивање на финансиска поддршка за мерката 2.10 „дополнителни директни плаќања за задржано женско јаре“. Со оваа исплата, средства добиваат и сите кои имаат аплицирано и правно – законски ги исполнуваат условите за добивање на средства преку мерката 1.1 А „директни плаќања за производство на домашен сертифициран семенски материјал од прва и втора генерација за житни, фуражни или индустриски култури“.

Исплатени субвенциите за презимени пчелини семејства и за мали стопанства дефинирани според историски плаќања за претходни три години


Агенцијата за финансиска поддршка во земјоделството и руралниот развој на сметките на 5,885 субјекти, исплати 224 милиони денари за субвенции. Станува збор за исплата на средства за сите земјоделци кои правно – законски се стекнале со право на добивање на финансиска поддршка за презимени пчелини семејства, како и субвенции за мали земјоделски стопанства дефинирано според историски плаќања за претходните три години. Директорот на АФПЗРР, Никица Бачовски, појаснува дека откако по ребалансот стана оперативен Буџетот апликациите се обработуваат забрзано.

Исплатени 617,6 милиони денари за обележани грла говеда, кози, задржано женско јагне


Агенцијата за финансиска поддршка во земјоделството и руралниот развој на сметките на 11,785 субјекти исплати близу 617,6 милиони денари за субвенции. Станува бор за исплата на субвенции за фармерите кои имаат обележани грла говеда, кози, а пари на сметките имаат и сите фармери кои задржале женско јагне.

Утре караванот на ИПАРД во Демир Капија, нови можности преку мерка 7 од ИПАРД Програмата 2014-2020


Телото за управување со ИПАРД при МЗШВ и АФПЗРР ги покануваат сите физички лица, микро и мали претпријатија и задруги да присуствуваат на овој инфо ден и да се информираат за можностите за користење на средствата од ИПАРД Програмата 2014-2020 односно мерката 7 Диверзификација на фарми и развој на бизниси.

На сметките на овчарите и градинарите исплатени над 866 милиони денари за субвенции


Агенцијата за финансиска поддршка во земјоделството и руралниот развој, ги информира производителите на градинарски култури и овчарите дека на нивните сметки исплатени се парите за субвенции. На сметките на вкупно 3.124 сточари кои имаат поднесено барање за директни плаќања за обележани и одгледани овци, исплатени се над 633,4 милиони денари, додека на 10.547 градинари исплатени се над 233,4 милиони денари.