Уште десет дена за поднесување на барања за субвенции за премии во осигурување на посевите и добитокот


Агенцијата за финансиска поддршка во земјоделството и руралниот развој, ги потсетува сите земјоделци дека остануваат уште десет дена за поднесување на барања за помош за премии во осигурување. Ова значи дека, сите земјоделци кои веќе ги осигурале посевите или добитокот, ќе можат до 31 – ви август 2020 година да достават барање за добивање на финансиска поддршка за полисите за осигурување. Барањата се доставуваат секој работен ден во Подрачните единици на Министерството за земјоделство, шумарство и водостопанство.

Известување !

Агенцијата за финансиска поддршка во земјоделството и руралниот развој ги известува земјоделските стопанства дека од денеска па се до 31.08.2020 година може да се поднесуваат барања за помош во премии за осигурување. Сите земјоделци кои ги осигурале посевите од временски непогоди ќе имаат можност да побараат финансиска поддршка за оваа мерка. Барањата се поднесуваат во Подрачните eдниници на Министерството за земјоделство шумарство и водостопанство.“

Бабовски : Успешно заврши аплицирањето за субвенции во земјоделството

Агенцијата за финансиска поддршка во земјоделството и руралниот развој ги информира земјоделците дека успешно заврши пријавувањето за користење на финансиска поддршка во земјоделството. До петок, ( 31- ви јули 2020), до кога беше и последниот ден за пријавување на земјоделците, барање за добивање на финансиска поддршка во земјоделството поднеле 65,554 земјоделци.

Директорот на АФПЗРР, Николче Бабовски, истакна дека Агенцијата во соработка со Подрачните единици на МЗШВ, и оваа како и минатите години, успешно го реализираа процесот за аплицирање.

Утре завршува рокот за поднесување на барања за субвенции за Програмата за директни плаќања 2020 година

Утре завршува рокот за поднесување на барања за субвенции за Програмата за директни плаќања за 2020 година. Сите земјоделци кои сакаат да ги поднесат своите барања можат да го сторат тоа самостојно, по електорнски пат преку регистрирање во системот на веб страната на Агенцијата за финансиска поддршка во земјоделството и руралниот развој www.ipardpa.gov.mk, заклучно со утрешниот ден (петок) до 00.00 часот.

За пет дена завршува рокот за поднесување на барања за субвенции за Програмата за директни плаќања 2020 година

До крајот на оваа недела, односно заклучно со петок (31.07.2020), трае рокот за поднесување на барања за субвенции за Програмата за директни плаќања 2020 година. Во овој период се поднесуваат барања за директни плаќања за растително производство и тоа за полeделски и градинарски култури, лозови и овошни насади. Исто така до крај на месецот барање за добивање на финансиска поддршка може да достават и сите кои се занимаваат со сточарско производство, односно, одгледуваат говеда, овци, кози, пчели свињи а може да се аплицира и за финансиска поддршка за заклани животни во кланица.

За една недела завршува рокот за доставување на апликации за мерка 1, „Инвестиции во материјални средства на земјоделските стопанства“ од ИПАРД 2 програмата

Агенцијата за финансиска поддршка во земјоделството и руралниот развој, ги потсетува сите заинтересирани за аплицирање за Мерка 1 „Инвестиции во материјални средства на земјоделски стопанства“ дека привршува рокот за доставување на апликации.
Сите заинтересирани за користење на средства од ИПАРД 2 програмата целокупната документација треба да ја достават во затворен плик со назнака„ Не отворај, за Јавен оглас ИПАРД бр 01/2020, директно во писарницата на Агенцијата или пак да ја испратат по препорачана пошта на следната адреса :

Агенција за финансиска поддршка во земјоделството и руралниот развој,
бул. „ 3-та Македонска бригада“ бр.20
(зграда на Македонија Табак блок Ц )
1000 Скопје


Целокупната комплетна документација треба да се достави најдоцна до наредната сабота ( 01- ви август 2020 година).