Успешен старт на реализација на измените на мерката 1.2.1 со кои се овозможи набавка на рекордно голем број на високостелни педигрирани јуници

Денеска, во село Логоварди, Општина Битола, министерот за земјоделство, шумарство и водостопанство Трајан Димковски, заедно со директорот на Агенцијата за финансиска поддршка во земјоделството и руралниот развој Николче Бабовски и директорот на Агенцијата за храна и ветеринарство, Зоран Атанасовски, го посетија објектот каде во карантински услови се чуваат 159 јуници, набавени преку мерката 1.2.1 од Програмата за рурален развој.

Исплатени 222 милиони денари за трета фаза произведено и предадено млеко

Агенцијата за финансиска поддршка во земјоделството и руралниот развој, во еден ден, без селекција на сметките на 7.877 фармери, кои исполнуваат услови за добивање на финансиска поддршка, исплати 222 милиони денари за субвенции за трета фаза произведено и предадено млеко, односно, млеко предадено на преработувачки капацитет во период од мај до септември 2018 – та година.

Изградбата на сточарска фарма во Прилеп ќе придонесе во развојот на сточарството, ќе обезбеди домашно производство на месо и нови работни места

Претседателот на Владата на Република Северна Македонија, Зоран Заев за изградбата на сточарска фарма „Голд Ленд“, рече дека е придонес за локалниот економски развој на општина Прилеп и околината преку зголемување на бројот на вработени, промоција на локалната економија на домашниот и дел од пазарот во опкружувањето со доближување до највисоките светски стандарди за безбедно производство на храна, со исполнување на барањата на купувачите.

ПРЕТХОДНА НАЈАВА

за објавување на Јавен повик број 01/2020 за доставување на барања за користење на средства по мерка 1 “ Инвестиции во основни средства на земјоделски стопанства”од областа на политиките за земјоделство и рурален развој на Инструментот за претпристапна помош за рурален развој на Европската Унија (ИПАРД Програма 2014-2020).

Бабовски: Исплатени 137,3 милиони денари за јаболкарите кои јаболките од реколата 2018 ги предале кај регистриран откупувач

Агенцијата за финансиска поддршка во земјоделството и руралниот развој, денеска на сметките на 1.566 субјекти исплати вкупно 137,3 милиони денари за мерката „Директни плаќања за произведено и предадено јаболко кај регистриран откупувач.“

Со пари од Програмата за рурален развој за прв пат граѓаните од општина Чашка добиваат асфалтирани улици

Градоначалникот на општина Чашка, Горан Стојановски, заедно со директорот на Агенцијата за финансиска поддршка во земјоделството и руралниот развој, Николче Бабовски и неговиот заменик Авдул Селам Селами, денеска направија увид на почетокот на градежните активности на улица Кочо Рацин. Станува збор за асфалитирање на пет краци од оваа улица како и изградба на атмосферска канализација.

Се спроведе акцијата „Администрацијата чисти со граѓанската организација ‘Не биди ѓубре“

Вработените во јавната администрација меѓу кои и вработените во Агенцијата за финансиска поддршка во земјоделството и руралниот развој и службениците во Град Скопје, денеска ја спроведоа акцијата „Администрацијата чисти со граѓанската организација ‘Не биди ѓубре’“.