Бабовски: Преку мерките од ИПАРД и Националните програми овозможуваме раст и развој на пчеларството

Директорот на АФПЗРР, Николче Бабовски денеска во Битола ја отвори манифестацијата „Денови на македонското пчеларство“. Оваа манифестација се оддржува по 22 – ри пат а секоја година ја организира пчеларското здружение „Нектар“. Директорот, Бабовски во обраќањето истакна дека преку оваа манифестација, здружението „Нектар“ секоја година не потсетува за тоа колкаво е значењето на пчелите за нас, за растенијата, но и за климатските промени и намалувањето на гладот во светот. Истовремено, хранливоста на пчелните производи е до толку специфична, што не може да се добие во фармацевтските лаборатории, токму затоа како што истакна Бабовски, наша цел е да ги заштитиме и да создадеме услови за раст и развој на пчеларството во државава. Растот на бројот на пчелни семејства покажува дека мерките и проектите за пчеларството овозможуваат оваа гранка да се развива.

Бабовски : На располагање се нови средства за поддршка на рибарството и аквакултурата

Сите кои имаат рибници и во период од 1- ви јули до 30 – ти септември насадиле подмалдок, односно, порибителен материјал од сопствено или признаено производство, од денеска ќе може да аплицираат за поврат на 40 % од вредноста на набавениот или на сопствениот подмладок. Средствата за оваа мерка се обезбедени преку Програмата за рибарство и аквакултура. Краен рок за доставување на барањата за исплата на средства е 25- ти октомври 2019 – та година. Ова денеска преку соопштение го информира директорот на Агенцијата за финансика поддршка во земјоделството и руралниот развој Николче Бабовски.

Врз основа на член 7, алинеја 9 од Законот за основање на Агенцијата за финансиска поддршка во земјоделството и руралниот развој („Службен весник“ на Република Македонија број 72/07, 5/09, 43/14, 193/15, 39/16, 164/18 и 190/19), Агенцијата за финансиска поддршка во земјоделството и руралниот развој го објавува следниот ЈАВЕН ПОВИК бр.3/2019 за доставување на барања за исплата на средства од Програма за финансиска поддршка во рибарстовото и аквакултурата за 2019 година .

Објавен нов повик од ИПАРД 2, 16,6 милиони евра за инвестиции во фарми микро и мали претпријатија

Агенцијата за финансиска поддршка во земјоделството и руралниот развој го објави Јавниот повик за Мерката 7 „ Диверзификација на фарми и развој на мали бизниси“ од ИПАРД 2 Програмата. Вкупно на располагање за реализација на инвестиции по оваа мерка се 16,6 милиони евра. Заинтересираните апликациите може да ги достават најдоцна до 18- ти ноември 2019 – та година. Оваа мерка овозможува инвестиции во модернизација на постоечките или отворање на нови погони за производство на тестенини, пијалоци, колачи, пекарски производи, фарми за одгледување на зајаци, дивеч, насади за дрва и дрвена маса, аквакултурни фарми за слатководна риба, сместувачки капацитети како и отворање на ресторани кои нудат угостителски услуги. Согласно програмата до 65% од прифатливите трошоци за реализираната инвестиција ќе им бидат вратени на апликантите преку средствата од ИПАРД 2 Програмата.

Врз основа на член 9 став 1 точка б од Законот за ратификација на Секторската спогодба меѓу Владата на Република Македонија и Европската комисија за воспоставување на одредби за управување и спроведување на финасиската помош на Унијата за Република Македонија според Инструментот за претпристапна помош во областа на политиките за „Земјоделство и рурален развој" (ИПАРД) („Сл. весник на РМ“ бр. 38/2016), врз основа на Дел II мерка Диверзификација на фармите и развој на бизниси точка 11 од Програмата за користење на средствата од Инструментот за претпристапна помош за рурален развој на Европската Унија (ИПАРД) за период 2014-2020 („Сл. весник на РМ“ бр. 177/2016), и врз основа на член 6 од Уредбата за начинот и постапката за користење на финансиска поддршка за мерките за рурален развој финансирани од програмата ИПАРД 2014-2020 („Сл. весник на РМ“ бр. 64/2016) и („Сл. весник на РСМ“ бр. 58/2019)

Агенцијата за финансиска поддршка во земјоделството и руралниот развој
на 04 октомври 2019 година објавувa
ЈАВЕН ПОВИК бр.01/2019
за доставување на барања за користење на средства од
ИПАРД Програмата 2014-2020

Бабовски : Со средства од Програмата за рурален развој, создаваме услови за развој на домашниот бањски туризам

Директорот на Агенцијата за финансиска поддршка во земјоделството и руралниот развој, Николче Бабовски, заменик директорот Авдул Селам Селами и градоначалникот на Општина Дебар, Хекуран Дука, денеска направија увид во градежните активности на општинскиот пат за поврзување на селата Бањиште, Хаме и Крифци со регионалниот пат Р-409, кој води до граниниот премин кон Албанија. Станува збор за рекнструкција на пат во должина од 7 километри кој го поврзува Дебар со селата Бањиште, Хаме и Крифци.

АФПЗРР: Исплатени субвенциите за органско производство

Агенцијата за финансиска поддршка во земјоделството и руралниот развој денеска на сметките на 638 лица исплати близу 82.724.000 денари за одгледувачите на органско производство. Директорот на АФПЗРР, Николче Бабовски, преку соопштение за јавноста информира дека станува збор за исплата на средства за оние апликанти кои имаат поднесено барања за добивање на средства од Програмата за рурален развој, поточно аплицирале за „Мерката 215 Органско производство“.