Врз основа на член 22, став 8 од Законот за вработените во јавниот сектор („Службен весник на Република Македонија“ број 27/2014, 199/2014, 27/2016, 35/2018 и 198/2018), а во согласност со член 22, став 1, точка 1 и член 23 од Законот за работните односи („Службен весник на Република Македонија“ број 62/2005, 106/2008...120/2018), Агенцијата за финансиска поддршка во земјоделството и руралниот развој објавува ЈАВЕН ОГЛAС за вработување на 5 извршители на определено време .

Бабовски : Преку Програмите кои ги спроведуваме создаваме поволни услови за сточарството

Министерот за земјоделство, шумарство и водостопанство, Трајан Димковски заедно со директорот на Агенцијата за финансиска поддршка во земјоделството и руралниот развој, Николче Бабовски, градоначалниците на Битола, Могила и Новaци, денеска во Битола присуствуваа на манифестацијата „Одбележување на денови на млекото и кооперативното здружување“.

МЗШВ: Единаесет земјоделски задруги денеска добија договори за финансика поддршка преку Програмата за рурален развој

Денска во Министерството за земјоделство, шумарство и водостопанство, се одржа конференција по повод денешниот Меѓународен ден на земјоделски задруги. Оваа година мотото е „Задруги за достоинствена работа“, како форма којашто има важна улога во создавањето на пристојни работни места, како и за социјално и економско зајакнување на локалните заедници.

Бабовски: На располагање се нови средства за градба на нови или реконструкција на постојните рибници

Од денеска до 6- ти август 2019- та година сите кои сакаат да градат нови или да ги ревитализираат старите рибници и пунктови ќе може да аплицираат за добивање средства преку „Програмата за рибарство и аквакултура“. За изгрдаба на нови или реконструкција и адаптација на постоечки риболовни пунктови, финансиската поддршка изнесува 1.000.000,00 денари, толкава е и максималната вредност на оние кои сакаат да градат или реконструираат мандри за традиционален лов на риба во Дојранско Езеро, додека до 1.500.000,00 денари е максималната сума за поддршка за рехабилитација на риболовни води со доградба, надградба и опремување на постоечките капацитети/мрестилишта за производство на репродуктивен и порибителен материјал.

Врз основа на член 7, алинеја 9 од Законот за основање на Агенцијата за финансиска поддршка во земјоделството и руралниот развој („Службен весник“ на Република Северна Македонија број 72/07, 5/09, 43/14, 193/15, 39/16 и 164/18), Агенцијата за финансиска поддршка во земјоделството и руралниот развој го објавува следниот ЈАВЕН ПОВИК бр. 02/2019 за доставување на барања за користење на средства од Програмата за финансиска поддршка во Рибарството и Аквакултурата за 2019 година .

АФПЗРР: Привршува рокот за поднесување на е- барања за субвенции

Агенцијата за финансиска поддршка во земјоделството и руралниот развој, ги потсетува сите корисници на субвенции дека рокот за поднесување на барања за добивање на финансиската поддршка е при крај. Барањата ќе може да ги поднесуваат уште три дена, односно до понеделник 1- ви јулии 2019 година.

Бабовски: Почна аплицирањето за добивање на финансиска поддршка за порибителен материјал

Од денеска до 15- ти јули, сите субјекти кои ги порибиле рибниците со порибителен, (насаден ), материјал во периодот од 1- ви февруари до 30- ти мај, ќе може да аплицират за добиивање на финансиска поддршка од Програмата за рибарство и аквакултура. Право на користење на поддршката имаат сите субјекти кои поседуваат дозвола за производство на порибителен материјал од рибник наменет за промет и да немаат увезено порибителен материјал и жива риба во периодот декември 2018 - декември 2019 година, од видот риба за која поседуваат дозвола за производство на порибителен материјал за сопствено насадување на рибникот. Право на финансиска поддршка имаат и оние субјекти кои набавиле подмладок и се запишани во регистарот на одгледувачи на риби што се води во Министерството за земјоделство, шумарство и водостопанство и имаат купено подмладок од субјекти кои поседуваат дозвола за производство на порибителен материјал од рибник наменет за промет и кои немаат увезено порибителен материјал и жива риба во периодот декември 2018 - декември 2019 година.