МЗШВ: Досега реализирани околу 5 милиони евра инвестиции преку првиот повик од ИПАРД 2, за поголема искористеност на средствата одржани инфо денови во Куманово и Крива Паланка

Едукативните денови во рамки на работилниците за ефикасната искористеност на ИПАРД 2014-2020 фондовите продолжуваат во Куманово и Крива Паланка. Министерот Љупло Николовски со заменикот директор на Агенцијата за финансиска поддршка во земјоделството и руралниот развој, Авдул Селам Селами, и градоначалникот на општина Крива Паланка, Борјанчо Мицевски, денска ги запознаа земјоделците со ИПАРД II Програмата која што е поддржана преку мерката за Техничка помош од самата Програма, односно со процедурата за поднесување баеања, изработка на проекти и со бенефитите што ги нуди оваа програма.

Министерот за земјоделство шумарство и водостопанство Љупчо Николовски, заедно со директорот на Агенцијата за финансиска поддршка во земјоделството и руралниот развој Николче Бабовски, денеска ја презентираа Програма за рурален развој за 2019 година, која има вкупен буџет 2,2 милијарди денари. Новите мерки кои значат инвестиции во земјоделството и руралниот развој создаваат услови тоа да прерасне во модерно и кункурентно производство, посочи министерот Николовски.

Бабовски : Утре истекува рокот за поднесување апликации за Мерка 3 по ИПАРД Програмата

Агенцијата за финансиска поддршка во земјоделството и рурланиот развој, ги потсетува сите корисници на ИПАРД Програмата дека утре истекува рокот за доставување на апликации по Мерка 3 „ Инвестиции во материјални средства во преработка и маркетинг на земјоделски и рибни производи“. Директорот на Агенцијата за финансиска поддршка во земјоделството и руралниот развој, Николче Бабовски, информира дека со овој јавен повик им се овозможува на домашните претпријатија и на земјоделските задруги да инвестираат во отворање на преработувачки капацитети и опрема, при што 50 отсто од инвестицијата ќе им биде кофинансирана, односно финансиските средства по поединечно барање се доделуваат како неповратна финансиска поддршка. Притоа, 75 отсто од средствата кои ќе бидат кофинансирани ќе бидат обезбедени од инструментот за претпристапна помош за рурален развој на европската унија ИПАРД 2014- 2020, а 25 отсто од средствата ќе бидат кофинансирани од Буџетот на Република Македонија.

ИСПРАВКА
НА ЈАВЕН ПОВИК бр.10/2018
за доставување на барања за користење на средства од Програма за финансиска поддршка во руралниот развој за 2018 година .

Бабовски: Продолжен рокот за аплицирање за поврат на парите за камати на апликантите кои реализирале ИПАРД инвестиција со кредит од домашните банки

Агенцијата за финансиска поддршка во земјоделството и руралниот развој, го продолжи рокот за аплицирање за поврат на средствата за камати за реализирани инвестиции по ИПАРД Програмата со помош на кредити. Новиот краен рок за поднесување на барањата за поврат на каматната стапка е до 15- ти февруари. Рокот се продолжува поради зголемениот интерес од страна на барателите кои во минатиот период, реализирале проекти од ИПАРД 1 и ИПАРД 2 Програмата со помош на кредит. Директорот на Агенцијата за финансиска поддршка во земјоделството и руралниот развој, Николче Бабовски, истакна дека оваа можност може да ја искористат сите правни и физички лица кои по 25- ти декември 2016 – та година, користеле средства од Повикот за ИПАРД програмата, а за реализација на инвестицијата подигнале кредит. Таквите апликанти, според Бабовски, ќе може да добијат финансиска помош во висина од 50 до 75 отсто од каматната стапка на годишно ниво за период од 10 години. Помошта е наменета за кредити кои имаат годишна каматна стапка во висина до 8% на годишно ниво, кои се исклучиво пласирани од банки и штедилници со дозвола за работа од Народната банка на Република Македонија за период до 10 години и тоа за инвестиции кои се финансирани од инструментoт за претпристапна помош во земјоделството и руралниот развој од Европската унија (ИПАРД).

Откупени над 15 милиони килограми тутун по просечна цена од 210 денари за килограм

Министерот за земјоделство шумарство и водостопанство Љупчо Николовски, заедно со директорите на Агенцијата за финансиска поддршка во земјоделството и руралниот развој, Николче Бабовски и директорот на Државниот инспекторат за земјоделство Благој Индов, денеска беа во посета на откупните пунктови за тутун во скопскиот регион. На терен имаше средба со тутунарите од овој регион на која што се разговараше за состојбата со откупот на тутунот од реколтата 2018.

ИПАРД програмата за бизнис заедницата е можност за развој на претпријатијата

Бизнисмените од Стопанската Комора на северозападна Македонија денеска имаа можност одблиску да се запознаат со можностите и критериумите кои се предвидени во ИПАРД 2 програмата 2014 - 2020. Претседателот на СКСЗМ, Неби Хоџа истакна дека стратешка цел на комората е како компаниите да стасаат до финансиски средства. Со денешниот состанок ќе можеме да дојдеме токму до информации како нашите членки да стигнат до свежи пари.