Наскоро истекува рокот за конкурирање за двете мерки за инвестиции во земјоделството од ИПАРД 2 Програмата

За три недели односно на 29-ти овој месец истекува рокот за поднесување на барања за мерката 3 „Инвестиции во материјални средства за преработка и маркетинг на земјоделски и рибни производи“. Рокот за поднесување на барања за мерката 1 „Инвестиции во материјални средства на земјоделски стопанства“ истекува на 9-ти феврурари. Министерот Николовски посочи дека вкупната сума што е на располагање за домашниот агро-сектор преку овие два повика е во износ од 25 милиони евра. Односно вкупната финансиска поддршка за мерката 3 е 13,2 милиони евра, а за мерката 1 близу 12 милиони евра.

Во Полошкиот регион се одржа втора едукативна работилница за ефикасно искористување на средствата од ИПАРД програмата

Во Полошкиот регион како еден од позначајните за домашното земјоделство но и за преработувачката индустрија се одржа едукативна работилница за сите правила и процедури кои треба да бидат запазени за ефикасна искористеност на средствата од ИПАРД програмата. На работилницата присуствуваа Директорот на Агенцијата за финансиска поддршка во земјоделството и руралниот развој Николче Бабовски, Директорот на Агенцијата за поттикнување на земјоделството Елгафер Јусуфи и заменик директорот на Агенцијата за финансиска поддршка на земјоделството Абдул Селами.

Објавен нов Јавен повик од ИПАРД 2, за модерно и конкурентно земјоделско производство

Денеска започна кампањата за информирање и едукација за ИПАРД фондовите, со првата работилница на тема „Користење на средства од Инструментот за претпристапна помош на Европската унија за рурален развој - ИПАРД 2014 – 2020“.

Врз основа на член 9 став 1 точка б од Законот за ратификација на Секторската спогодба меѓу Владата на Република Македонија и Европската комисија за воспоставување на одредби за управување и спроведување на финасиската помош на Унијата за Република Македонија според Инструментот за претпристапна помош во областа на политиките за „Земјоделство и рурален развој" (ИПАРД) („Службен весник на Република Македонија“ бр. 38/2016), врз основа на Дел II мерка Инвестиции во материјални средства на земјоделски стопанства точка 11 од Програмата за користење на средствата од Инструментот за претпристапна помош за рурален развој на Европската Унија (ИПАРД) за период 2014-2020 („Службен весник на Република Македонија“ бр. 177/2016), и врз основа на член 6 од Уредбата за начинот и постапката за користење на финансиска поддршка за мерките за рурален развој финансирани од програмата ИПАРД 2014-2020 („Службен весник на Република Македонија“ бр. 64/2016)

Агенцијата за финансиска поддршка во земјоделството и руралниот развој
на 26 декември 2018 година објавувa
ЈАВЕН ПОВИК бр.02/2018
за доставување на барања за користење на средства од
ИПАРД Програмата 2014-2020

Денеска истекува рокот за поднесување на барања за субвенции за ориз и оризова арпа, за произведени и предадени градинарски или овошни култури како и за органско производство


Агенцијата за финансиска поддршка во земјоделството и руралниот развој, ги потсетува земјоделските производители на ориз и оризова арпа, на произведени и предадени градинарски и овошни култури во преработувачки капацитети, како и за производителите на органски земјоделски производи дека денеска 25- ти декември, истекува рокот за аплицирање за добивање на финансиска поддршка.

Бабовски: На барање на бизнис заедницата, продолжен рокот за аплицирање за користење на средства од ИПАРД 2 Програмата 2014 – 2020


Агенцијата за финансиска поддршка во земјоделството и руралниот развој, ги известува сите заинтересирани субјекти дека за 15 дена е продолжен рокот за поднесување на барања за користење на средства од ИПАРД 2 Програмата 2014 – 2020, Мерка 3 „ Инвестиции во материјални средства за преработка на земјоделски и рибни производи.“