Агенцијата за финансиска поддршка во земјоделството и руралниот развој ги известува земјоделските стопанства дека во тек е поднесување на барања за директни плаќања за мерките по површина земјоделско земјиште и мерките по грло добиток како и за произведено и продадено овчо, козјо и кравјо млеко во период од 01.10 до 31.12.2014 година.

По успешната реализација на одобрените инвестиции, нови двајца корисници кои потпишаа Договор со Агенцијата за користење на средства од ИПАРД Програмата по осмиот Јавен повик (01/2013), добија средства од ЕУ фондовите за рурален развој.

Агенцијата за финансиска поддршка во земјоделството и руралниот развој (во понатамошниот текст: Агенција) ги известува сите заинтересирани субјекти за поднесување на барања за користење на средства од Програмата за финансиска поддршка на руралниот развој за 2015 година за мерката 122.1 Одржливо стопанисување со шумите дека рокот за нивно доставување се продолжува до 30.04.2014 година.

Агенцијата за финансиска поддршка во земјоделството и руралниот развој ги известува сите заинтересирани граѓани дека продолжува со отворени денови во периодот од 24-26.03.2015 година, сите со почеток во 11:00 часот, освен Кавадарци со почеток во 14:00 часот. На 24.03 отворените денови ќе се реализираат во просториите на општина Велес, на 25.03 во просториите на општините Неготино и Кавадарци, на 26.03 во просториите на општина Валандово.