AMFBZHR: Janë paguar pagesat direkte për qumështin e lopës, deleve dhe dhive të prodhuar dhe të dorëzuar

Agjencia për Mbështetje Financiare në Bujqësi dhe Zhvillim Rural ka realizuar pagesën  direkte për qumështin e prodhuar dhe dorëzuar të lopës, deles dhe dhive.

143,7 milionë denarë janë paguar për mbi 5300 prodhues të qumështit.

Përfitues nga kjo nënmasë janë njësitë bujqësore - prodhues të qumështit të lopëve, dhive dhe deleve të regjistruar si mbarështues të gjedheve, deleve dhe dhive në Regjistrin e fermave të llojeve të caktuara të kafshëve dhe prodhimit të tyre dhe ia kanë dorëzuar blerësit të regjistruar  të qumështit të papërpunuar.

Shuma e mbështetjes është 3,5 denarë/litër për qumështin e lopës së prodhuar dhe dorëzuar dhe 4,5/litër për qumështin e deles dhe dhisë të prodhuar dhe dorëzuar.

“Pas marrjes së listave nga objektet e përpunimit dhe përpunimit administrativ të tyre, Agjencia sot ka bërë pagesën për qumështin e prodhuar dhe dorëzuar për periudhën janar-prill 2022. Në periudhën e ardhshme do të vazhdojmë me procedimin e kërkesave për mbështetje financiare në bujqësi për prodhimtarinë bimore dhe blegtorale” – informon drejtori Baçovski.

Gjithashtu, rikujtojmë të gjitha ekonomitë bujqësore se aplikimi për pagesa direkte në kuadër të programit për mbështetje financiare në bujqësi për vitin 2023 është në vazhdim dhe zgjat deri më 30 qershor. Përdoruesit mund të paraqesin kërkesat e tyre në mënyrë elektronike përmes portalit të subvencioneve elektronike ose të përdorin shërbimet e operatorëve të njësive rajonale pranë Ministrisë së Arsimit dhe Kulturës.